Mae’r “parc wrth y môr”, fel y disgrifiwyd Parc Eirias unwaith, yn cwmpasu 50 erw. Prynwyd y 27 erw gyntaf gan y cyngor ar Ebrill 12fed, 1921 a’r gweddill yn 1929.
Agorwyd y caeau chwarae yn swyddogol ar 27 Medi, 1923. O’r amser hynny hyd heddiw mae’r parc wedi tyfu a datblygu i’r parc poblogaidd yr ydym yn ei adnabod heddiw.
Mae gwybodaeth ar gael ar gyfer y nifer o ymwelwyr i’r parc yn dangos pa mor gyflym tyfodd ei boblogrwydd:
5,920 o bobl yn defnyddio’r cyfleusterau amrywiol yn 1927.
Erbyn 1929 roedd y rhif wedi cynyddu i 11,880.
Erbyn 1932 roedd y nifer wedi tyfu eto i 58,623.
Erbyn 1933 roedd y parc eisoes a chwrs golff bach 18-twll, 8 o gyrtiau tennis siâl llwyd, dwy lawnt fowlio, cwrs golff bach, llyn hwylio cychod bach, caffi, gardd graig fawr a maes chwarae i blant. Roedd y cyngor hefyd yn ystyried ychwanegu llyn cychod, bandstand gyda therasau amgylchynol a stadiwm chwaraeon.
Ym mis Medi 1934 derbyniodd Bae Colwyn ei Siarter Gorffori fel Bwrdeistref. Ymhlith y dathliadau ym Mharc Eirias oedd plannu coeden gan y Maer Siarter, yr Arglwydd Colwyn. Dros y blynyddoedd, bu plannu mwy o goed derw i nodi dathliadau eraill.
Yn ystod yr Ail Ryfel Byd palwyd y tir rhwng y fynedfa a Ffordd Eirias fel rhandiroedd i dyfu bwyd.
Yn ystod pob tymor yr haf o ddiwedd y 1950au i’r 1960au cynnar, fe ddefnyddiwyd yr hen stand bandiau fel Acwariwm a Sw Bach (a elwir weithiau yn Sw Plant) a oedd yn cael ei rhedeg gan Robert Jackson, sylfaenydd y Sw Fynydd Gymreig. Ar ôl agor y Sw Fynydd Gymreig yn 1963 parhaodd yr atyniad ym Mharc Eirias ar agor am ychydig flynyddoedd ond cau yn y pen draw. Gallai’r hen bandstand gael ei ystyried yn fan geni y Sw Fynyddig Gymreig.
Dros y blynyddoedd mae Parc Eirias wedi bod yn leoliad ar gyfer nifer fawr o ddigwyddiadau – dathliadau lleol o ddigwyddiadau cenedlaethol fel coroni a arwisgiadau, sioeau marionette, carnifalau, syrcasau, ymweliadau sioe deithiol Radio One Sioe Deithiol, twrnameintiau bowls a’r lleoliad ar gyfer arddangosfeydd tân gwyllt lleol.
Ers 2012, mae’r arena hefyd wedi cael ei drawsnewid yn lleoliad cerddoriaeth ar gyfer digwyddiadau Access All Eirias yn cynnwys artistiaid cenedlaethol poblogaidd … Olly Murs, Pixie Lott, Rhydian Roberts, The Overtones ac yn 2014 Syr Tom Jones a Jessie J.
Mae Parc Eirias hefyd wedi cael ei gyhoeddi fel dechrau seremonïol Rali GB Cymru, sef rownd derfynol Pencampwriaeth Ralio’r Byd, ym mis Tachwedd, 2014.
Hafan Llwybr Treftadaeth Parc Eirias
Map Llwybr Treftadaeth Parc Eirias
Mae’r llwybr hwn yn rhan o’r Prosiect Cymunedau sy’n Gyfeillgar i Oed a ariennir yn rhannol o Gronfa Datblygu Rhanbarthol Ewrop (ERDF) drwy Raglen Cymru Iwerddon 2007-13.
